Tag: Bibbja

X’nifhmu meta ngħidu li l-qawmien ta’ Ġesu’ fetħilna l-bieb tal-Ġenna u l-Bibbja kif tfisser il-Ġenna u l-Infern?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.7 X’nifhmu meta ngħidu li l-qawmien ta’ Ġesu' fetħilna l-bieb tal-Ġenna u l-Bibbja kif tfisser il-Ġenna u l-Infern?Leave a comment

2

🌻 Ġesu’ nnifsu hu s-Saltna t’Alla u l-Ġenna. Min iqum mill-mewt iqum fiH. Mela Ġesu’ hu t-Triq, il-Bieb (id-dejjaq) u l-Post fejn noqogħdu (Ġenna). Dan insibuh fi kliemu stess meta qal, per eżempju:

  • “Jien Hu t-Triq, il-Verità u l-Ħajja, ħadd ma jmur għand il-Missier jekk mhux bija.” (Ġwanni 14:6)
  • “Jien il-bieb tan-ngħaġ.” (Ġwanni 10:7)
  • “Sejjer inħejjilkom post fejn toqogħdu u meta mmur nerġa’ niġi biex neħodkom miegħi biex fejn inkun jien tkunu intom ukoll.” (Ġwanni 14:3)

🌻 Fit-Tieni Rakkont tal-ħolqien rajna kif ħajja sħiħa tfisser li l-erba’ relazzjonijiet fundamentali tal-bniedem ikunu sħaħ:

  • miegħu nnifsu,
  • ma’ Alla,
  • mal-oħrajn u
  • man-natura.

🌻 L-istat tal-Ġenna hu dawn l-erba’ relazzjonijiet mgħixa b’mod sħiħ, jiġifieri li fih innifsu min hu l-Ġenna:

  • jesperjenza ferħ perfett (Beatitudini),
  • isir parti minn Alla,
  • jagħraf u jħobb lill-oħrajn kollha bl-istess imħabba perfetta ta’ Alla u
  • għad jirċievi ġisem glorjuż f’ħolqien ġdid.

🌻 L-istat tal-Infern hu l-maqlub. Fih innifsu jesperjenza:

  • taħwid,
  • qsim,
  • kaos u
  • dwejjaq jaħarqu,
  • minn Alla jesperjenza firda sħiħa u kundanna,
  • mal-mitlufa l-oħra jesperjenza mibegħda totali u iżolament u
  • n-natura jesperjenzaha bħala nar (jew dud).

X’mhix il-kuxjenza u allura x’nikkonkludu minn dan?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.4.6 X’mhix il-kuxjenza u allura x’nikkonkludu minn dan?Leave a comment

66

🌻 Il-kuxjenza mhix:

  • x’inħoss u naħseb jien,
  • lanqas fuq hiex taqbel il-maġġoranza jew dak li hu popolari,
  • lanqas x’nemmnu li jaqbel għalija jew għall-ħbieb tagħna.

🌻 Kulħadd għandu kuxjenza għax kulħadd b’mod jew ieħor jagħraf x’qed jagħmel tajjeb jew ħażin.

🌻 Kull bniedem hu wkoll obbligat jifforma l-kuxjenza tiegħu u jibbaża l-azzjonijiet tiegħu fuq il-Kelma t’Alla (il-Bibbja) u t-tagħlim tal-Knisja mwaqfa minnu.

🌻 Għalhekk, naslu għall-konkluzzjoni li l-ebda nisrani ma jista’ jfisser l-Iskrittura lil hinn jew il-barra mill-Knisja meta kienet il-Knisja stess li urietna.

🌻 Aħna wkoll, b’mod personali ma nistgħux inħallu barra t-tagħlim ta’ Kristu u l-mod kif dan it-tagħlim jiġi mfisser lilna mill-Knisja.

X’għandu jagħmel kull nisrani u l-Knisja kif tidħol fir-rigward tal-kuxjenza?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.4.5 X’għandu jagħmel kull nisrani u l-Knisja kif tidħol fir-rigward tal-kuxjenza?Leave a comment

65

🌻 Min hu nisrani ma jistax jgħid ili qed jibni l-kuxjenza tiegħu u fl-istess waqt iwarrab dak li qal u għallem Ġesu’.

🌻 Il-bniedem jista’ jagħti ‘opinjoni’ imma, l-kuxjenza mhix opinjoni ta’ individwu/i!

🌻 La l-kuxjenza hi t-tweġiba tagħna għal dak li qalilna Alla permezz ta’ Ġesu’, għandha tkun ibbażata biss fuq l-istess tagħlim ta’ Ġesu’.

🌻 Fir-rigward tal-kuxjenza, il-Knisja tidħol għaliex kienet hi li fil-bidu qaltilna li l-Kelma t’Alla hi dik li hi.

🌻 Kienet il-Knisja (jiġifieri l-komunita’ nisranija), li wara proċess twil, li għandu kriterji fissi, waslet biex b’dixxerniment u bl-għajnuna t’Alla tagħżel liema huma l-kotba ispirati u l-kotba li m’humiex fil-Bibbja.

🌻 Il-proċess biex għarfet li għandha żżomm is-72 Ktieb tal-Bibbja li nafu bihom illum, ħa ħafna żmien.

🌻 Għalhekk, ma nistgħux nifhmu l-Iskrittura b’mod ieħor ħlief bil-mod kif tgħallimna dwarha l-Knisja għax kienet l-istess Knisja li għarfet dak li hu ġej minn Alla u dak li mhux ġej minn Alla.

Ġesu’ lil min ta s-setgħa tat-tagħlim?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.3.2 Ġesu’ lil min ta s-setgħa tat-tagħlim?Leave a comment

59

🌻 Lil Pietru u lill-Appostli tahom is-setgħa li jgħallmu f’ismU. Qabel ma tela’ s-sema, bagħthom jgħallmu ma’ kullimkien.

🌻 Mela t-tagħlim tal-Bibbja jinsab f’idejn l-awtorita’ tal-Knisja biex tgħid x’inhu u biex ixxerdu ma’ kullimkien.

🌻 Aħna għandna nobdu lil Ġesu’ u nisimgħu mill-Knisja fuq is-sens ta’ dak kollu li hemm fil-Bibbja.

🌻 Għandna noqogħdu ħafna attenti minn dawk li jfissru l-Bibbja bla ma għandhom l-awtoritazzjoni tal-Knisja.

X’tip ta’ żbalji għandha l-Bibbja?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.3.1 X’tip ta’ żbalji għandha l-Bibbja?Leave a comment

58

🌻 Alla ma ddettax il-Bibbja. Alla nebbaħ u ħalla f’idejn l-awturi umani biex jifformulaw fil-kliem u l-kitba l-messaġġ tiegħU. Dawn uzaw il-mezzi kulturali, ta’ intelligenza u informazzjoni li kellhom biex jesprimu l-messaġġ ta’ Alla.

🌻 Mela peress li l-awturi umani ġieli kellhom xi ideat żbaljati fuq numri, ismijiet ta’ postijiet, ideat fuq id-dinja u l-univers, eċċ, insibu minnhom fil-kitbiet taghhom.

🌻 B’daqshekk ma jfissirx li l-Bibbja żbaljata u falza għax li jgħodd huwa l-messaġġ spiritwali, u dan ma jiġix affettwat minn dettalji żbaljati bħal ma semmejna.

🌻 Iva, il-Bibbja għandha żbalji dwar fatti (per eżempju, dati, ismijiet, dettalji fuq postijiet) li mhux meħtieġa għar-rabta tagħna m’Alla.

🌻 Il-messaġġ spiritwali, jiġifieri dak li ried jagħtina Alla, huwa ċert u mingħajr żbalji – huwa l-verita’ għas-salvazzjoni tagħna.

🌻 Il-Fidi hi rigal li jagħtina Alla. Aħna nistgħu nieħdu ħsiebha u nkabbruha u/jew nistgħu nitraskurawha u nitilfuha. Biha aħna nagħmlu ‘esperjenza’ ħajja tieghU meta nemmnu fiH, nafdawH u nfittxuH fit-talb.

🌻 Il-kitbiet nstabu u ġew miżmuma minn ġenerazzjoni għall-oħra. Minn dejjem ġew meqjusa bħala Kotba Sagri.

🌻 Ma setgħatx tkun leġġenda għax il-Kelma t’Alla għada u tibqa’ tapplika għal kull żmien u ġġib bidla ta’ vera f’dawk li jimxu fid-dawl tagħha.

🌻 Prova ta’ dan huma l-qaddisin anki fi żminijietna – li kieku din kienet leġġenda, ma kienx ikollha l-ebda effett fuq il-ħajja tal-bniedem.

L-istorja ta’ Adam u Eva gidba? Jekk hi gidba u allura l-Bibbja tibda b’din il-gidba, nistgħu nikkonkludu li l-Bibbja kollha mhux valida għax fiha l-gideb?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.7.1 L-istorja ta' Adam u Eva gidba? Jekk hi gidba u allura l-Bibbja tibda b'din il-gidba, nistgħu nikkonkludu li l-Bibbja kollha mhux valida għax fiha l-gideb?Leave a comment

16

🌻 Alla nqeda b’din l-istorja (li jekk seħħitx eżatt jew le mhux importanti) biex jgħaddilna MESSAĠĠ SPIRITWALI.

🌻 Ix-xjenza m’għandhiex il-monopolju tal-verita’ u lanqas m’għandha l-istrumenti biex tqis veritajiet mhux materjali.

🌻 Mela x-xjenza għandha settur tal-verita’ taħt l-osservazzjoni tagħha, u r-reliġjon għandha settur ieħor, li hu spiritwali u li għandu x’jaqsam mas-sens u l-valur ta’ kollox.

🌻 Għaldaqstant, fil-Bibbja m’għandniex nippretendu li se nsibu analiżi xjentifika jew deskrizzjonijiet xjentifiċi tal-affarijiet, bħal per eżempju kif seħħ fiżikament il-ħolqien tad-dinja jew tal-ħajja.

🌻 Fil-Bibbja għandna biss infittxu l-verita’ spritwali/reliġjuża li twieġeb għall-mistoqsijiet:

  • Min hu Alla?
  • Min hu l-bniedem?
  • X’inhu s-sewwa?
  • X’inhu l-ħażin?
  • U mistoqsijiet oħra bħal dawn.

🌻 M’għandniex nikkritikaw lill-Bibbja billi ngħidu li x-xjenza issa tatna risposti aħjar mir-reliġjon u li għalhekk lill-Bibbja nistgħu niskartawha, għax il-Bibbja qatt ma ppretendiet tagħti risposti xjentifiċi u riedet biss tfissrilna dak li ried jgħidilna Alla.

🌻 Min-naħa l-oħra, fuq x’ried jgħidilna Alla fil-Bibbja, ix-xjenza ma tista’ tgħid xejn għax hi kwistjoni ta’ fidi.

Ix-xjenza u l-Knisja jaqblu?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.7.3 Ix-xjenza u l-Knisja jaqblu?Leave a comment

18

🌻 Il-mistoqsija mhix impoġġija tajjeb għax ix-xjenza hi ‘għalqa’ għaliha għax tibbaża l-istqarrijiet tagħha fuq il-materja, filwaqt li l-Knisja tgħidilna l-messaġġ spiritwali li rċeviet mingħand l-appostli.

🌻 Ix-xjenza m’għandhiex il-monopolju tal-verita’! Meta l-Knisja ppruvat tikkundanna xjenzati għax ħarġu b’ċerti teoriji li l-Knisja ħasbet li kienu se jfixklu t-twemmin spiritwali żbaljat eż. Fil-każ ta’ Galileo.

🌻 Meta xi xjentisti qalu li t-tagħlim tal-Knisja ħrafa, żbaljaw bil-kbir għax ma fehmux li x-xjenza u l-Knisja għandhom il-miżuri tagħhom kif ikejlu l-veritajiet li jistqarru.

🌻 Nistgħu ngħidu li l-Knisja tatna l-istampa kollha spiritwali u li tgħinna biex insalvaw.

🌻 Ix-xjenza, meta u kif irid Alla, ġieli turina kif saru l-affarijiet eż.

  • Jista’ jkun li xi darba ġejna mix-xadini.
  • L-arkeoloġi sabu l-arka ta’ Noe’ bil-qisien preċiżi bħalma hemm fil-Bibbja u l-lokalita’ wkoll.