Category: 1.3 Ġesu’ Jkellem lil Qalbek u Jgħallmek

X’inhi t-tama għal min jgħix ta’ nisrani vera fejn tidħol l-Eternita’?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.9 X'inhi t-tama għal min jgħix ta' nisrani vera fejn tidħol l-Eternita'?Leave a comment

3

🌻 Alla Hu Trinità – 3 persuni f’Alla wieħed:

  • Missier li ħalaq kollox u għamel pjan biex isalva lil kull bniedem
  • L-Iben (Ġesù) li wettaq il-pjan tal-Missier
  • Spirtu s-Santu li jagħtina l-ħajja u l-qawwa li nħobbu kif iħobb Alla.

Bħala Nsara irridu ngħixu ta’ wlied il-Missier billi nixbhu lil Iben bil-qawwa tal-Ispirtu s-Santu li hemm fina.

🌻 Il-Ġenna hija l-esperjenza li nħobbu u nkunu maħbubin f’għaqda intima u profonda ma’ Alla l-Missier, l-Iben u l-Ispirtu s-Santu, l-għaqda li jibqa’ jkollna ma’ dawk li nħobbu u li mietu qabilna, l-iskop ewlieni ta’ kull bniedem.

🌻 Dawk li jkunu fittxew il-ħbiberija ta’ Alla ‘mma kien hemm xi dnubiet li baqgħu jifirduhom minn Alla, jkollhom bżonn li jinħelsu minn dawn id-dnubiet biex jingħaqdu ħaġa waħda ma’ Alla. Dan il-Knisja ssejjaħlu l-Purgatorju.

🌻 Dawk li f’ħajjithom iwarrbu lil Alla u minflok l-imħabba tiegħu jagħżlu l-egoiżmu, s-suppervja u l-mibegħda, jibqgħu jgħixu hekk wara li jmutu, iġifieri bogħod minn Alla u f’disperazzjoni għax issa jagħrfu sew xi jkunu tilfu. Dan jissejjaħ Infern.

Il-Purgatorju x’inhu?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.8 Il-Purgatorju x’inhu?Leave a comment

1

🌻 Alla mhuwiex biss imħabba perfetta, iżda wkoll ġustizzja perfetta. Fl-imħabba tiegħu jaħfrilna l-infern u jiffurmana fi bnedmin jisħoqqilhom il-premju tal-Ġenna.

🌻  Fil-ġustizzja tiegħu, Alla jrid li aħna mhux biss ma nagħmlux id-deni lill-oħrajn, iżda jrid li meta nagħmlu d-deni apparti li nqerru għandna npattu għalih bit-tajjeb (il-penitenza) u għandna nipprattikaw b’ġenerożità kbira t-talb, is-sawm u l-karità. Aħna m’għandniex biss ma nagħmlux il-ħażen, iżda għandna nagħmlu ħafna tajjeb.

🌻 Il-Purgatorju jtemm fina dak li jonqos minn din it-tpattija xierqa u għat-tajjeb li kellna nwettqu u ttraskurajna. Huwa piena u tbatija, iżda mingħajr disprament, għax inkunu nafu li sejrin il-Ġenna.

X’nifhmu meta ngħidu li l-qawmien ta’ Ġesu’ fetħilna l-bieb tal-Ġenna u l-Bibbja kif tfisser il-Ġenna u l-Infern?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.7 X’nifhmu meta ngħidu li l-qawmien ta’ Ġesu' fetħilna l-bieb tal-Ġenna u l-Bibbja kif tfisser il-Ġenna u l-Infern?Leave a comment

2

🌻 Ġesu’ nnifsu hu s-Saltna t’Alla u l-Ġenna. Min iqum mill-mewt iqum fiH. Mela Ġesu’ hu t-Triq, il-Bieb (id-dejjaq) u l-Post fejn noqogħdu (Ġenna). Dan insibuh fi kliemu stess meta qal, per eżempju:

  • “Jien Hu t-Triq, il-Verità u l-Ħajja, ħadd ma jmur għand il-Missier jekk mhux bija.” (Ġwanni 14:6)
  • “Jien il-bieb tan-ngħaġ.” (Ġwanni 10:7)
  • “Sejjer inħejjilkom post fejn toqogħdu u meta mmur nerġa’ niġi biex neħodkom miegħi biex fejn inkun jien tkunu intom ukoll.” (Ġwanni 14:3)

🌻 Fit-Tieni Rakkont tal-ħolqien rajna kif ħajja sħiħa tfisser li l-erba’ relazzjonijiet fundamentali tal-bniedem ikunu sħaħ:

  • miegħu nnifsu,
  • ma’ Alla,
  • mal-oħrajn u
  • man-natura.

🌻 L-istat tal-Ġenna hu dawn l-erba’ relazzjonijiet mgħixa b’mod sħiħ, jiġifieri li fih innifsu min hu l-Ġenna:

  • jesperjenza ferħ perfett (Beatitudini),
  • isir parti minn Alla,
  • jagħraf u jħobb lill-oħrajn kollha bl-istess imħabba perfetta ta’ Alla u
  • għad jirċievi ġisem glorjuż f’ħolqien ġdid.

🌻 L-istat tal-Infern hu l-maqlub. Fih innifsu jesperjenza:

  • taħwid,
  • qsim,
  • kaos u
  • dwejjaq jaħarqu,
  • minn Alla jesperjenza firda sħiħa u kundanna,
  • mal-mitlufa l-oħra jesperjenza mibegħda totali u iżolament u
  • n-natura jesperjenzaha bħala nar (jew dud).

X’jiġri wara l-mewt u għaliex funeral nisrani huwa wkoll ċelebrazzjoni?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.6 X’jiġri wara l-mewt u għaliex funeral nisrani huwa wkoll ċelebrazzjoni?Leave a comment

4

🌻 Qabel il-miġja ta’ Ġesu’, il-mejtin kienu jinżammu fix-Sheol (Limbu) biex meta jasal iż-żmien ikunu ġġudikati minnU. Wara li Ġesu’ miet u qam mill-mewt, kull bniedem li jmut jiġi ġġudikat minnU malli jmut. Fil-ġudizzju jidher biċ-ċar dak kollu li kienet il-ħajja ta’ dak l-individwu u l-konsegwenzi kollha li ikkawża kemm bl-imħabba u kemm meta m’obdiex il-kuxjenza. Dak l-individwu mbagħad jidħol fl-istat permanenti tal-Ġenna jew l-Infern. Nemmnu li Alla, lil dawk li huma destinati għall-Ġenna, l-ewwel isaffihom u jwassalhom għall-perfezzjoni (jekk ikunu jeħtieġu) permezz ta’ Purgatorju.

🌻 Il-funeral nisrani huwa wkoll ċelebrazzjoni għax jiċċelebra l-ħajja ta’ dejjem u r-rebħa ta’ min għex u miet fi Kristu. Jiċċelebra l-Qawmien kemm ta’ Ġesu’ u kemm ta’ min miet. Għalhekk jinxtegħel il-Blandun. Qabel ma jindifnu l-fdalijiet, l-ewwel jitbierku bl-ilma mbierek biex jiġi mfakkar li l-persuna kienet tgħammdet u għexet fi Kristu u jiġu wkoll inċensati biex jiġi muri li l-persuna għad tirċievi ġisem glorjuż fil-qawmien ġenerali mill-imwiet.

Għaliex essenzjali li nżommu kuntatt ma’ Alla u ngħixu skont it-tagħlim ta’ Ġesu’?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.5 Għaliex essenzjali li nżommu kuntatt ma’ Alla u ngħixu skont it-tagħlim ta' Ġesu'?Leave a comment

74

🌻 Fit-tagħlim tiegħu, Ġesu’ jgħidilna:

  • “Ishru u itolbu biex ma tidħlux fit-tiġrib” (Mattew 26, 41)
  • Fil-Missierna, Ġesu’ għallimna nitolbu: “Iddaħħalniex fit-tiġrib, iżda eħlisna mid-deni” li fi kliem ieħor, Ġesu’ jridna nitolbu ‘l Missierna tas-sema: “tħalliniex naqgħu fit-tiġrib, tħalliniex naqbdu t-triq li twassal għad-dnub.”

🌻 Jeħtieġ li nfittxu l-qawwa ta’ Alla u biex nagħmlu dan:

  • Irridu nkunu konvinti li “Alla hu fidil u ma jħallikomx tiġġarbu aktar milli tifilħu; jaħseb li mat-tiġrib jagħtikom il-qawwa u l-għajnuna biex tkunu tifilħu għalih” (1 Korintin 10, 13)
  • Għalhekk imiss lilna, li rċevejna l-qawwa speċjali u d-dawl tal-Ispirtu s-Santu fis-sagrament tal-Griżma, li nagħmlu kuntatt miegħu u nfittxuh, l-aktar meta nħossuna dgħajfa.

Kif naħarbu l-okkażżjoni tad-dnub u Ġesu’ x’jgħidilna dwar dan?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.4 Kif naħarbu l-okkażżjoni tad-dnub u Ġesu' x'jgħidilna?Leave a comment

73

🌻 Jekk ma tridx taqa’, aħrab l-okkażjoni. Ma ninsewx il-qawl Malti li jgħid: Min jittarraf, jiġġarraf. Għalhekk, għandna naħarbu l-okkażjoni li tista’ tbegħidna minn Alla. Fil-Ktieb Bibbliku ta’ Bin Sirak (13, 1) insibu: Min imiss il-qatran, jitħammeġ bih.

🌻 Ġesù jgħidilna li għandna nagħmlu ħilitna kollha biex nevitaw dak kollu li jwassalna biex nagħmlu l-ħażin. Għalhekk irridu naħarbu dak kollu li jidhrilna (bl-għajnuna ta’ nies oħrajn) dak li m’huwiex tajjeb, bħall-ħbieb ħżiena, ħajja ta’ dnub, vizzji, attitudnijiet żbaljati, menalita’ ħażina, l-għażż, eċċ…

🌻 Min jiddispjaċih tassew tal-ħażen li jkun għamel, joqgħod attent biex, bl-għajnuna t’Alla, ma jerġax imur fil-periklu li jerġa’ jagħmel l-istess ħażen. Huwa dan li nistqarru fl-Att tal-Indiema meta ngħidu: “U la mmur fejn dari nidneb; naħrab ukoll dak kollu li dari waqqagħni fid-dnub.”

It-tentazzjonijiet jistgħu jiswewlna ta’ ġid?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.3 It-tentazzjonijiet jistgħu jiswewlna ta’ ġid?Leave a comment

72

🌻 It-tentazzjoni mhix dnub. Li wieħed iħoss fih il-ġibda biex jagħmel dak li hu ħażin jew biex jiskarta dak li suppost jagħmel, hija ħaġa li jħossha kulħadd anki l-akbar qaddisin. Li jgħodd mhux dak li nħossu jew jiġi waħda f’moħħna jew fil-fantasija tagħna, imma dak li rridu. Sakemm it-tentazzjoni ma naċċettawhiex għax irridu, ma nistgħux ngħidu li nkunu għamilna xi dnub.

🌻 Nistgħu nqabblu t-tentazzjoni:

  • Ma’ test li wieħed ikollu joqgħod għalih.
  • Dan la jkun għalina ta’ deni u lanqas ta’ ġid.
  • Isir ta’ deni jekk neħlu fih; imma jekk ngħaddu minnu jkun jiswielna ta’ ġid.

🌻 Iva, it-tentazzjonijiet jistgħu wkoll iservuna ta’ ġid minħabba li aħna nitgħallmu mill-iżbalji tagħna stess:

  • Eżempju: sirna nafu li l-fjamma tan-nar taħraq wara li ħraqna jdejna l-ewwel darba.
  • Jekk wieħed ma jiltaqax mat-tfixkil ma jkunux jista’ jgħid kemm għandu karattru sod.
  • Il-qaddisin saru qaddisin mhux għax ma kellhomx tentazzjonijiet, iżda għax għarfu jegħlbuhom.

🌻 Min jegħleb it-tentazzjoni:

  • jissaħħaħ fil-fidi u fil-karattru
  • joqgħod attent u jfittex li jissaħħaħ fit-tagħlim u fl-imġieba
  • jikber fl-imħabba lejn Alla
  • ikattar it-teżori tiegħu fis-sema
  • jagħmel pass lejn il-Ġenna

🌻 Min jaqa’ fit-tentazzjoni:

  • jagħmel pass lejn it-telfien ta’ dejjem – l-Infern.

It-tentazzjonijiet minn fejn jiġu?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.2 It-tentazzjonijiet minn fejn jiġu?Leave a comment

71

🌻 It-tentazzjonijiet jiġu:

  • mix-xitan – li jqanqal fina l-ġibdiet ħżiena jew jinqeda b’nies oħrajn li jħajjruna għall-ħażen;
  • minna nfusna – fejn aħna mhux darba u tnejn inħossu bħal ġlieda fina bejn dak li hu tajjeb u dak li hu ħażin;
  • min-nies l-oħrajn – fejn iwasslulna eżempji jew vizzji li ma jkunux tajbin.

🌻 Proposta ħażina, meta tiġi mill-għedewwa tiegħek, faċli twarrabha; meta tiġi minn sħabek faċli taċċettaha. Huwa għalhekk li rridu noqogħdu attenti ħafna fl-għażla tal-ħbieb tagħna … mhux kulħadd jista’ jkun ħabib tajjeb!

X’għandna nagħmlu aħna u minn fejn se nsibu l-qawwa li tgħinna nkunu tassew liberi u negħlbu t-tfixkil?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.1 X’għandna nagħmlu aħna u minn fejn se nsibu l-qawwa li tgħinna nkunu tassew liberi u negħlbu t-tfixkil?Leave a comment

Presentation1

🌻 Jekk fil-ħajja tagħna jkollna bosta tentazzjonijiet, ma rridux naqtgħu qalbna. Jeħtieġ li nħarsu lejn Ġesù. Hu wkoll ġie ttentat, mhux darba u tnejn! Imma Ġesù kien kapaċi jegħleb dan it- tfixkil, u aħna rridu nagħmlu bħalu. Irridu nżommu lil Ġesu’ bħala l-mudell ta’ kif nirbħu t-tfixkil.

🌻 Fit-tentazzjonijiet li kellu, Ġesù jidher bħala l-bniedem ħieles li jegħleb kull tfixkil. Aktar ma nkunu nixbħu lil Ġesù fil-ħajja tagħna, aktar ikollna l-qawwa li nkunu nixbħuh ukoll waqt il-ħin tat-tentazzjoni. Bis-saħħa ta’ Ġesu’ u l-Ispirtu tiegħu, ma hemm l-ebda tentazzjoni, kbira kemm hi kbira, li ma nistgħux negħlbuha.

Nisrani kif għandu jieħu sehem fil-Quddiesa u għaliex il-Quddiesa hi meqjusa bħala l-aqwa talba?

On By L-Ewkaristija u s-SaċerdozjuIn 0.0 Arkivju, 1.3 Ġesu' Jkellem lil Qalbek u Jgħallmek, 1.3.0.5.0 Nisrani kif għandu jieħu sehem fil-Quddiesa u għaliex il-Quddiesa hi meqjusa bħala l-aqwa talba?Leave a comment

70

🌻 In-nisrani:

  • Għandu jmur il-Quddiesa għax jixtieq jobdi u jħobb lil Ġesu’ u lill-Knisja tiegħu.
  • Għandu jindem minn dnubietu biex jagħmel tqarbina tajba.
  • Għandu jagħmel ħiltu biex jixrob il-Kelma.
  • Għandu tassew jitlob bil-qalb fil-waqtiet li jsir dan.
  • Għandu jitqarben bl-akbar fidi, tama u mħabba li hemm fih.
  • Għandu jrodd ħajr lil Alla.

🌻 Il-Quddiesa hi meqjusa bħala l-aqwa talba għaliex fi Ġwanni 4, insibu li Ġesu qal li l-Missier Alla jfittex lil dawk li jadurawh fl-Ispirtu u l-Verita’. Din hi l-adorazzjoni unika li jrid u jistenna l-Missier. Ġesu’ qalilna li hu din il-Verita u Hu biss jista’ jagħtina l-Ispirtu. Dan iseħħ bil-mod l-aktar qawwi fil-Quddiesa u bit-Tqarbin. Mela t-talba li l-aktar togħġob lil Alla l-Missier hi l-offerta ta’ Ġesu’ ssagrifikat għalina u mogħti lil Missier. Aħna nidħlu bis-sħiħ f’din l-offerta tal-Iben lill-Missier bit-talb u t-tqarbin u mbagħad billi ngħixu din l-offerta tul ħajjitna.