Dan it-Talb Speċjali kollu miġbur f’dokument wieħed – PDF
MUR GĦAL-LISTA TA’ TALB SPEĊJALI
Sinjur Ġesu’, llum se nitolbok għal dawk kollha li jinsabu mtaqqlin u li s-salib tagħhom qed iħossuh tqil wisq, qed iħossuh jgħaffiġhom tant li mhux jirrealizzaw li f’dawn il-mumenti Int tinsab qrib tagħhom ferm aktar minn qabel.
Għal persuni li jinsabu ddisprati għax għad li huma jridu jibnu ħajjithom kif jaqbel lilhom, b’xi mod il-kuxjenza tagħhom għadha ċċanfarhom tant li qed jagħmlu minn kollox biex joqtlu leħnek fihom u dan ukoll qed jikkawża f’qalbhom u f’ruħhom toqol enormi.
Mulej, meta naħseb dwar dan u dwar diversi forom ta’ ħajjiet oħra fejn ma hemmx postok, tiġini ħasra minnhom jien ukoll, kif tħassart Int stess lill-ġemgħa meta kont għadek fid-dinja. Iva, anke dawn Mulej Ġesu’ huma bħal nagħaġ imxerrda ‘I hawn u ‘l hinn bla ma għandhom ragħaj u ma għandhomx għax huma ċaħdu li jkollhom.
Jekk jogħġbok erġa’ ħenn għall-poplu tiegħek, reġġa’ lura lil dawk li jinsabu mitlufa u kun Int il-gwida u l-vere Ragħaj li twassalhom fil-mergħat ta’ dejjem. Ammen.
L-Ewkaristija u s-Saċerdozju 